Aerniesoptsestimmieh – sisvege saemien maanagïertine, saemien aarvoevåaromen mietie

19.3 - 09:30

Saemiedigkie prosjektem SáMOS «Saemien maanah orre ektietjiehtjielinie» aalkeme mij åejvieulmine åtna sisvege saemien maanagïertine edtja saemien filosofijem våaroeminie utnedh, gusnie saemien aarvoeh, saemien eatnemefilosofije, gïele, kultuvre, stuvreme jïh aerpievuekien daajroe dam pedagogeles barkoem guedtieh.

SáMOS edtja viehkiehtidh saemien maanagïertepedagogihkem jïh didaktihkem evtiedidh saemien filosofijen mietie, jïh orre barkoevuekiem eevtjedh mij lea saemien ussjedimmievuekien mietie Saepmien ovmessie bieline, gusnie saemien aarvoeh, dekoloniseradimmie jïh jïjtjenænnoestimmie leah jarngesne. Daate maahtoelutnjemem kreava barkiji luvnie saemien gïelesne, kultuvresne jïh aerpievuekien daajrosne

Saemiedigkie saemien maanagïerteaajhterh, maanagïerteåvtehkh, maanagïertelohkehtæjjah jïh jeatjah ïedtjeladtjh böörede Aerniesoptsestimmide dotkijigujmi ektine. Aajkoe lea ektesne soptsestidh guktie maahta saemien maanagïertepedagogihkem eevtjedh saemien gïelen jïh eatnemegoerkesen tjïrrh.

Sijjie: Røros hotell, Plassje
Daatoe: Njoktjen 19. b. 2019, 09.30-15.30
Aamhtese: Saemien maanagïertepedagogihke saemien gïelen jïh eatnemegoerkesen muhteste

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!