Aamhtesereerije - Arkeologe

Saemiedigkien kultuvremojhtese, areaale jïh byjrese-goevtesisnie akte ihkuve barkoe aamhtesereerijinie gååvnese kultuvremojhteseseksjovnesne. Aalkoe dallatjinie.

Ođas | Almmuhuvvon , ođasmahtton

Barkoesijjie lea Saemiedigkien kontovresijjesne Snåasesne.

Barkoelaavenjassh

Barkoen uvtemesth barkoelaavenjassh leah reereme saemien kultuvremojhtesijstie jïh aamhtesereereme ovmessie soejkesje- jïh areaale-aamhtesijstie. Barkosne maahta aaj jeatjah laavenjassh åadtjodh mah leah ektiedamme Saemiedigkien gïehtelæmman.

Kvalifikasjovnh

Barkoe jollebe ööhpehtimmiem kreava maastere-/åejviefaagedaltesisnie, åajvahkommes arkeologijen jallh kultuvremojhtesevaarjelimmien sisnjelen. Maehtebe kandidaath aaj vuarjasjidh ööhpehtimmine unnemes bachelor-njieptjesne.

Ohtsije tjuara daajroem jïh sjyöhtehke dååjrehtimmiem utnedh barkoste saemien kultuvremojhtesigujmie, jïh daajroeh åtnoen bïjre digitaale feeltedalhketjijstie (GIS / GPS / CPOS). Vuejemeleahpa persovnebïjlese lea daerpies.

Maahtoe saemien gïelesne, dovne njaalmeldh jïh tjaaleldh vihkelesvoetem åtna.

Lissine vihkeles:

  • Daajroe saemien histovrijen jïh saemien siebriedahketsiehkiej bïjre
  • Dååjrehtimmie feeltebarkoste
  • Dååjrehtimmie byögkeles reeremistie
  • Væjkele mubpiejgujmie govlesadtedh jïh laavenjostedh
  • Hijven njaalmeldh jïh tjaaleldh buektemevoete
  • Maahta jïjtjeraarehke jïh ulmien vööste barkedh
  • Faegniedihks
  • Persovneles sjiehtelesvoete

Baalhka- jïh barkoekrïevenassh

Baalhka lea Statens regulativen mietie barkoekoda 1408 voesteskonsulente jallh 1434 raeriestæjja, ansenniteeten jïh maahtoej mietie.

  • Baalhkeste 2 % Statens pensjonskassese geasalguvvieh
  • Hijven lööneme- jïh pensjovneöörnegh Statens pensjonskassesne
  • Fleksijbele barkoetïjje jïh jeatjah hijven tråjjesvoeteöörnegh
  • Hijven barkoebyjrese gusnie datne leah akte dejstie mij dam sjugnede

Saemiedigkien reereme edtja dan gåhkese gåarede gellievoetem årroji luvnie vuesiehtidh. Akte personalpolitihkeles ulmie aktem jïebne aaltere- jïh tjoelejoekedimmiem buektiehtidh, jïh almetjh unnebelåhkoe- jïh aalkoealmetjemaadtojne dåårrehtidh.

Saemiedigkie latjkoem Inkluderende Arbeidsliv (MAH) åtna, jïh leavloem beaja sjïehteladtemasse barkoetsiehkijste fïereguhten meatanbarkijasse.

Ohtsijh mah eah saemien maehtieh gosse aelkieh, maehtieh dïedtem åadtjodh lïerehtimmiem saemiengielesne vaeltedh.

Gaajhkesh mah Finnmaarhkesne jïh Noerhte-Romsesne årroeh åadtjoeh studijelaajkoem Statens lånekassesne giehpiedidh 10 % fïerhten jaepien 25.000 kråvnaj raajan jïh sjïere giehpiedimmiem skaehteste.

Lissine barkijh seehtemem åadtjoeh sïejhme laaki, njoelkedassi jïh sjïehtedimmiej mietie, daan nuelesne baalhka jïh pensjovne, jïh 6 askh pryövetïjje.

Gaskese

Vielie bïevnesh barkoen bïjre åadtjoeh daesnie

Ohtseme

Ohtseme, væhnadassh jïh vihtienassh edtjieh elektrovneles seedtesovvedh daan svaalhtesen tjïrrh, daennie sæjrosne «Søk stillingen».

Mænngan ohtsememierie lea nåhkeme akte byögkeles ohtsijelæstoe dorjesåvva. Byögkelesvoetelaaken mietie § 25 maehtebe bïevnesh ohtsijen bïjre bæjhkoehtidh jalhts ohtsije lea maadteme ij ohtsijelæstose tjaalasovvedh.

Søk stillingen

Ohtsememierie:

19.06.2019

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!