Ræhpas ohtsememierie

Ulmie dåarjoeöörnegasse

  • Jielije voenges siebriedahkh aktine gellielaaketje kultuvrejieliedinie mij saemien govlesovvemevoetem nænnoestahta.

Dåarjoedåastojh öörnegasse:

  • Sïelth
  • Siebrieh
  • Staateles institusjovnh
  • Prosjektide mah leah kultuvreöörnedimmiej bïjre juktie Saemiej åålmegebiejjiem mïerhkesjidh, tjïelth jïh saemien institusjovnh /siebrieh maehtieh dåarjoem åadtjodh

Dåarjoe ij vadtasovvh Nöörjenregistreradamme ålkoelaanten sïeltide (NUF).

Institusjovnh jïh siebrieh mah ryöktesth dåarjoem dåastoeh Saemiedigkien budsjedten bijjelen eah maehtieh dåarjoem åadtjodh.

Tjïelth eah maehtieh dåarjoem åadtjodh jeatjah goh kultuvreöörnedimmide juktie Saemiej åålmegebiejjiem mïerhkesjidh.

Maahta dåarjoem ohtsedh daejtie råajvarimmide:

  • Kultuvreöörnedimmieh fokusinie saemien kultuvrese jïh siebriedahkedigkiedæmman mah saemien tjeahpoem, kultuvrem jïh lidteratuvrem eevtjieh jïh åehpiedehtieh. Daan nuelesne aaj honoraare jïh vuelkemedåarjoe saemien tjiehpiedæjjide jïh kultuvrebarkijidie.
  • Prosjekth mah kultuvresmaaregem aerpievuekien tjeahposne jïh ektietïjjen tjeahposne. nænnoestehtieh jïh vaarjelieh
  • Prosjekth jïh dorjemassh kultuvrelle jïh tjiehpeles smaaregistie.
  • Bæjhkoehtimmie plaereste Bamse saemien gïelesne.
  • Råajvarimmieh mah viehkiehtieh aerpievuekien daajroem orre boelvide vedtedh, daan nuelesne saemien beapmoeaerpievuekieh.
  • Saemien kultuvreöörnedimmieh staarine.

Krïevenassh ohtsemen sisvegasse jïh hammose:

  • Saemiedigkien digitaale ohtsemegoere edtja åtnasovvedh.
  • Ohtsemh mah eah ohtsemekrïevenasside illh heajhtasuvvieh.
  • Ållesth budsjedte mij åasa-aarvehtsem jïh finansieradimmiesoejkesjem vuesehte.
  • Dïhte guhte ohtsemem vuelietjaala, tjuara luhpiem utnedh dïedtem bïejedh sïeltese/institusjovnese.

Ryöknedimmienjoelkedassh:

  • Vöölemes dåarjoeraaste lea 10 000 kråvnah. Jeenjemes dåarjoe lea 150 000 kråvnah.
  • Juktie plaeriem Bamse  saemien gïelesne bæjhkoehtidh jeenjemes dåarjoe lea 400 000 kråvnah.
  • Gosse artistehonoraarem jïh vuelkemedåarjoem ohtsede saemien artistide jïh kultuvrebarkijidie edtja tjaaleldh sjïehtedimmiem jallh latjkoem ohtsemem baalte bïejedh. Artisten honoraarekrïevenasse edtja sjïehtedimmesne/latjkosne tjåadtjodh. Honoraare edtja ektiefinansieradimmesne årrodh öörnedæjjine. Saemiedigkien åesie honoraareste lea gaertjiedamme bæjjese jeenjemes 15 000 kråvnaj raajan. Lissine maahta vuelkemedåarjoem vedtedh jeenjemes 10 000 kråvnaj raajan.
  • Dåarjoe ij vadtasovvh råajvarimmide mejtie åtna akten institusjovnen/siebrien sïejhme gïehtelimsbarkoej nualan båetieh, jallh prosjektide mah leah gïehtelimmien bïjre.
  • Vaallah dåarjoe vadtasovvh ovspesifiseradamme åaside, sosijaale åaside jïh skåårvemidie. 

Dåarjoe ij daase vadtasovvh:

  • seminaarh
  • konferansh
  • kultuvrelle skuvlevoesse

Aamhtesereeremetïjje.

Ohtsije maahta vaestiedassem veanhtadidh ohtsemasse 3 askh mænngan Saemiedigkie lea ohtsemem dååsteme, v. reeremelaakine § 11. Annjebodts bïevnese reeremeaamhtesisnie seedtesåvva eannan akte aske mænngan ohtseme lea dååsteme.

Govlehtallemebïevnesh:

Emma Margret Skåden, tlf: +47 78 47 41 01, Inger Tjikkom, tlf: +47 78 47 40 45, Nanni Mari Westerfjeld, tlf: +47 78 47 40 25, Silja Somby, tlf +47 78 48 42 30

Elektrovneles ohtsemegoere

Regelverk kulturtiltak word ( 512.121 kB )

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!