PRM: Saemiedigkie stipendem vadta jåarhkeööhpehtæmman lohkehtæjjijste

Gïetedimmesne Saemiedigkien budsjedteste 2020 nænnoesti stipendenuepide vijriedidh. Daelie lohkehtæjjah mah joe ööhpehtimmiem vaalteme, maehtieh stipendem åadtjodh ööhpehtimmiemaahtoem saemien gieline reebledh. – Daate sæjhta nuepiem vedtedh lohkehtæjjah gemtebelaakan dåårrehtidh goh aarebi, saemiedigkieraerie Mikkel Eskil Mikkelsen jeahta.

Ođas | Almmuhuvvon

IMG_E3510.JPG

Saemiedigkieraerie Mikkel Eskil Mikkelsen

FOTO | Åse M.P. Pulk/Sámediggi

Daan raajan Saemiedigkie stipendem vadteme orre studeentide mah gaskem jeatjah maadthskuvlelohkehtæjjaööhpehtimmieh luhkieh. Daelie Saemiedigkie dan lohkehtæjjadåehkien vööste jarkoe mij saemien gïelemaahtoem åtna, men ij byjjes ööhpehtimmiemaahtoem saemien gieline utnieh, jïh stipendem vadta lohkehtæjjide mah sijhtieh saemiengielesne ööhpehtidh, men studijepoengh fååtesieh dam darjodh.

Stoerre lohkehtæjjavaanoe

– Mijjieh jienebh lohkehtæjjah daarpesjibie, gellie lohkehtæjjah fååtesieh, mïsse Rïjhkerevisjovne aaj tjuvtjede. Daate akte dejstie råajvarimmijste Vaajmoegïelen mietie maam budsjedtesne 2020 åehpiedehtebe juktie daam haestemem dåastodh, Mikkelsen jeahta.

Rïjhkerevisjovne vihteste fer vaenie lohkehtæjjah reektehten mietie gålkoen 2019. Seamma tïjjen taalh vuesiehtieh låhkoe saemienlohkehtæjjijste, joekoen julevsaemien dajvesne, vaanene.

– Saemiedigkien lea dïedte maahtoehaestemh saemien siebriedahkesne dåastodh. Akte vihkeles vierhkievierhtie lea stipendh. Dan åvteste tjoerebe iktesth voejhkelidh stipendide sjïehtesjidh dan hijvenlaakan goh gåarede, Mikkelsen jeahta.

Skreejrehtidh saemien studijh veeljedh

Budsjedtegïetedimmesne idtji ajve studijenuepie væjrenh. Daelie Saemiedigkie aaj edtja saemien learohkh jåarhkeskuvlesne gaavnedidh juktie skreejrehtidh saemien studijh veeljedh. Edtja gaavnedimmiesijjine årrodh juktie learoehkidie saemien studijenuepiej bïjre bievnedh.

– Tjoerebe gaajhkh learohkh jåarhkeskuvlesne bööredidh bïevnesh åadtjodh dej nuepiej bïjre mah gååvnesieh dovne stipendi jïh ööhpehtimmienuepiej tjïrrh. Desnie learohkh sijhtieh åadtjodh gaajhkh universiteeth jïh jïlleskuvlh saemien ööhpehtimmiefaalenassigujmie råakedh, Mikkelsen jeahta.

Goerehtimmiepoengh

Saemiedigkie stipendem vadta learoehkidie mej saemien gïele 1. jallh 2. gïeline jåarhkeskuvlesne. Daelie Saemiedigkien stoerretjåanghkoe nænnoestamme learohkh mej saemien 1. gieline byöroeh goerehtimmiepoengh dan åvteste åadtjodh.

– Stipendeöörnegen tjïrrh learoehkidie jåarhkeskuvlesne daejrebe mejnie skuvline learohkh leah. Daelie sijhtebe dejtie learoehkidie gaahtjemeaevhkieh vedtedh juktie ööhpehtimmieinstitusjovni sïjse båetedh. Dovne stipende, goerehtimmiepoengh jïh ööhpehtimmiekonferanse leah råajvarimmieh juktie maahtoedaerpiesvoetem dåastodh maam saemien siebriedahke åtna, Mikkelsen jeahta.

Jis dov leah gyhtjelassh jallh gihtjehtimmiem sïjhth, gaskesadth  Mikkel Eskil Mikkelsen, tell. +47 917 42 161.

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!