Saemiedigkie edtja raerieh vedtedh mandaaten bïjre Stoerredigkien nammoehtæmman Saetniesvoete- jïh måahtadimmiekommisjovneste. Daan sjïekenisnie sïjhtebe barkoem saemien siebriedahkesne ektiedidh jïh ræhpas tjåanghkose bööredibie juktie raerieh almetjijstie åadtjodh (vuartesjh læstoem artihkelen vuelielisnie gusnie jïh gåessie tjåanghkoeh leah).

Akte kommisjovne mij nuekies ulmiem jïh sijjiem åådtje siebriedahkesne sæjhta maehtedh dïrreginie årrodh veanhtoeh jarkelidh. Dan åvteste vihkeles gaavnehtidh mej siebriedahkesuerkiej bïjre kommisjovnen barkoe edtja årrodh. Vihkielommes gïele, kultuvre jïh healsoe, jallh tuhtjh jeatjah suerkieh leah seamma vihkeles? Maam datne tuhtjh kommisjovne edtja bæjjese vaeltedh jïh mejnie edtjieh barkedh? Mijjieh dov raeriem daase sïjhtebe jïh dam maahtah mijjese vedtedh dejnie ræhpas tjåanghkojne jallh e-påastem mijjese seedtedh diekie: saetniesvoete@samediggi.no

Saemiedigkie vihteste saemien åålmege lea aktem staateles daaroedehtemepolitihken nuelesne orreme, mij veesi vielie goh 100 jaepieh. Gellie saemieh annje saejrieh guedtieminie daaroedehtemen mænngan, dovne goh almetjh jïh goh siebriedahke. Akte eevre vihkeles bielie måahtadimmeste lea ektie goerkese histovrijistie, ektie goerkese reakteste jïh ovreakteste dejpeli mah annje maehtieh ulmiem utnedh daan biejjien, jïh ektie goerkese histovrijen mïrhke bielijste sïerredimmine jïh daaresjimmiejgujmie mah guhkiem tsevtsieh. Akte ållesth jïh hijven måahtadimmie ij sån maehtieh sjugniehtovvedh åvtelen saetniesvoete lea tseegkeme jïh vihtiestamme dan gåhkese gåarede, jïh åvtelen dovne åejvieladtjh jïh siebriedahke meatoeh mij lea sjugniehtovveme jïh meatoeh dejtie konsekvenside aarebi politihke lea åtneme dejtie minngebe boelvide.

Ulmiemierie byöroe akte veele salkehtimmie årrodh mij autoriteetem vadta råajvarimmide mejgujmie edtja guhkiebasse barkedh. Juktie måahtadimmiem buektiehtidh dellie daerpies dah mah joekehtslaakan daaroedehtemem dååjrin jïh lea tsavtseme daaroedehtiemistie, nuepiem åadtjoeh soptsestidh jïh sijjen soptsesh buektedh. Akten kommisjovnen tjïrrh edtja orre daajroem jïh daajroebievnemem tseegkedh mij nuepie vadta daan beajjetje siebriedahkem Nöörjesne guarkedh.

Lohkh vielie: Stortingets vedtak om en sannhetskommisjon for fornorskningspolitikk og urett begått mot det samiske og kvenske folk i Norge

Lohkh vielie: Sametinget støtter en sannhets- og forsoningskommisjon

Lohkh vielie: Kronikk: – Mange bærer fortsatt generasjoners og egen bør tungt på ryggen

Saemiedigkie ræhpas tjåanghkojde böörede:

Måantan goevten 12. b., 18.00-20.00, Ä´vv Skoltesamisk museum, Neiden
Dæjstan goevten 13. b., 18.00-20.00, Várjjat Sámi Musea, Varangerbotn
Duarstan goevten 15. b., 18.00-20.00, Álttá Sámi Giellaguovddáš, Alta
Gaskevåhkoen goevten 21. b., 19.00-21.00, Gjenreisningsmuseet, Hammerfest
Duarstan goevten 22. b., 18.00-20.00, Senter for nordlige folk, Gáivuotna/Kåfjord
Duarstan njoktjen 1. b., 19.00-21.00, Samisk Hus, Oslo
Måantan njoktjen 5. b., 18.00-20.00, De Samiske Samlinger, Kárášjohka/Karasjok
Måantan njoktjen 12. b., 18.00-20.00, Gáisi giellaguovddáš, tjïelteståvroesavka, Tromsø
Dæjstan njoktjen 20. b., 18.00-20.00, Várdobáiki, Evenes
Gaskevåhkoen njoktjen 21. b., 18.00-20.00, Árran, Divtasvuodna
Duarstan njoktjen 22. b., 18.00-20.00, Sámi giella- ja kulturguovddáš, Porsáŋgu
Dæjstan voerhtjen 3. b., 18.00-20.00, LES-viessu, Guovdageaidnu
Måantan voerhtjen 9. b., 18.00-20.00, Fjellkysten hotell, Lavangen
Duarstan voerhtjen 12. b., 18.00-20.00, Stormen gærjagåetie, Bådåddjo
Måantan voerhtjen 16. b., 16.00-18.00, Samien Sijte, Snåase
Dæjstan voerhtjen 17. b., 18.00-20.00, Hotel Nordkyn, Kjøllefjord, Lebesby
Dæjstan voerhtjen 24. b., 18.00-20.00, Aajege Saemien gïele- jïh maahtoejarnge, Röörose
Gaskevåhkoen voerhtjen 25. b., 18.00-20.00, Best Western Plus Hotel Bakeriet, Tråante

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!